Seilwaith digidol newydd i'ch tref
Mae Cyngor Sir Powys wedi gosod systemau Wi-Fi cyhoeddus newydd yn ddiweddar yng nghanol trefi Llanfair Caereinion ac Ystradgynlais, a bydd yn gwneud hynny yng Nghrug Hywel hefyd yn fuan, fel rhan o gynllun ledled Powys i gefnogi canol trefi'r sir.
Cynlluniau Lleoedd Digidol
Law yn llaw a hyn, mae Owen Davies Consulting a Cwmpas yn gweithio gyda’r trefi i helpu eu busnesau lleol a grwpiau cymunedol i archwilio a chynllunio ar gyfer sut i ddefnyddio’r seilwaith newydd yma i wella eu tref, ar hyn o bryd, ac yn y dyfodol.
Dros y mis neu ddau ddiwethaf, rydym wedi siarad gyda rhanddeiliaid trefi er mwyn deall sut maent yn defnyddio technoleg ddigidol ar hyn o bryd, darganfod pa sgiliau sydd ganddynt, a sgiliau nad oes ganddynt ond sydd arnynt eisiau eu dysgu, ac archwilio eu syniadau ar gyfer sut y gall technoleg ddigidol wella eu tref. Bydd yr wybodaeth hon yn ffurfio sail Cynllun Creu Lleoedd Digidol ar gyfer y dref, a fydd yn nodi’r sefyllfa bresennol, y blaenoriaethau a’r camau nesaf i’r dref.
Cofrestrwch i ddangos eich diddordeb mewn derbyn cymorth gyda datblygu sgiliau digidol
Cymorth datblygu sgiliau digidol am ddim
Mae Cwmpas yn cyflwyno rhaglen o gymorth sgiliau digidol i drigolion lleol i roi iddynt y sgiliau mae arnynt eu hangen i fanteisio i’r eithaf ar seilwaith newydd a thechnoleg ddigidol arall, a’u helpu i ennill cymwysterau perthnasol, fel bo’r angen.
Am fwy o wybodaeth am gynlluniau ar gyfer eich lle ac i gofrestru i dderbyn cymorth gyda datblygu eich sgiliau digidol, dewiswch eich tref isod.
Adnoddau
Ewch i'n tudalen Adnoddau i gael dolenni i amrywiaeth helaeth o adnoddau i'ch helpu chi a'ch lle i fanteisio i'r eithaf ar dechnoleg ddigidol.
Dewis tref:
Ynglyn a’r prosiect hwn
Cafodd gwaith Owen Davies Consulting a Cwmpas ei gomisiynu gan Gyngor Sir Powys a chaiff ei ariannu gan lywodraeth y Deyrnas Unedig trwy Gronfa Ffyniant Gyffredin y Deyrnas Unedig.Mae Cronfa Ffyniant Gyffredin y DU yn biler canolog agenda Hybu Ffyniant Bro llywodraeth y DU, ac mae’n darparu £2.6 biliwn o gyllid newydd ar gyfer ei fuddsoddi’n lleol erbyn Mawrth 2025. Nod y gronfa yw meithrin balchder mewn lle a chynyddu cyfleoedd bywyd ledled y Deyrnas Unedig wrth fuddsoddi mewn cymunedau a lle, cefnogi busnesau lleol, a phobl a sgiliau. Am fwy o wybodaeth, ewch i https://www.gov.uk/government/publications/uk-shared-prosperity-fund-prospectus.